انا لاقلت لي شلونك وانا ضايق اقول بخير
مدامك سائلٍ عني اكيد ان ضيقتي راحت

انا من كثر ماحبك اشوفك في عيوني غير
تضيق النفس من غيرك ولامن شفتك ارتاحت

احبك كثر .. ماتطري فبالي وتشغل التفكير
كثر .. ماشيلك بعيني وناسٍ منها طاحت

احبك كثر .. صقارٍ تولع في محبة طير
كثر .. مادلة الطيّب بريحة هيلها فاحت

تصدق !! من عرفتك صرت احبك .. واكره التغيير
( وانا اللي كنت اعشق كل نجمه بالسما لاحت )

تأكد كل ماتسئل عن إحوالي اكون بخير
( مدامك سائلٍ عني اكيد ان ضيقتي راحت )