يمكن الكل رح يستغرب من انه أنا بطلة نفسي اكيد كلكم عندكم ابطال غيرو كتير يحياتكم وساعدوكم ووقفو جنبكم ودعموكم بأيامكم الصعبة وحتى بأيامكم الحلوة بس انا من وأنا صغيرة تعودت اكون البطلة بقصتي. ويمكن أنجبرت مش مهم الي بعرفو انه دايما كنت انا البطلة حياتي ما كانت سهلة ابدا كنت اعافر بايدي وسناني عشان اقدر اعيش وكل مرة كنت بنصدم من حالي قديش انا انسانة قوية صحيح ماعندي انجازات مشرفة ينحكى فيها صحيح ما حققت ولا حلم من احلامي حتى الصفيرة منها بس كنت يطلة لما عديت كل شي مريت فيه ومع هيك ما استسلمت ولا مرة ولساتني بحاول ل اوصل صحيح كل طريق بمشيها بوقف بوجهي المجتمع الاهل الظروف العادات'التقاليد واحيانا القدر مع هيك لساتني بحاول ويمكن اوصل ويمكن لأ بس بكفيني أني بحاول صدقوني ياجماعة لما تكون فاهم الحياة كتير صح رح تعرفو انه مافي شي مستاهل توقفو عندو لانه الحياة مرة وحدة مارح ترجعو تعيشو فيها مرتين حاولو قد ما تقدرو مرة مرتين والف مش مهم انه توصلو ممكن وانتو بتحاولو تغيرو الطريق كله او تكتشفو انه مش هاي الطريق الي بدكم اياها ممكن افكاركم تتغير احتياجتكم واحلامكم ممكن انه ما توصلو لانه هاي الطريق الله ما كتبها الكم لانه مافيها خير الكم ودايما تاكدو انه ربنا بختارلكم الاحسن بعرف الحياة مش سهلة وبشعة كتير والناس صارت بتخوف وكل اشي بهاي البلد بجبركم ع اليأس والفشل والظروف كتير صعبة بس ضلكم حاولو وابدا ما تستسلمو اليوم قررت اشارك بهاي المسابقة بالصدفة بعد فترة كتير طويلة عدت بعيدة عن الكتابة كنت اشارك كتير بكتابات وكنت دائما اربح بالمسابقات وكتير كان عندي شغف للكتابة لانه كنت احس انه بطلع كل اشي جواتي كتير كنت حابة اصير كاتبة مشهورة وهاي اول مرة بكتب بالعامية لانه هاي رسالة الكم اكتر من انها نص تعبيري وحرفيا كتبتها بدون اي تفكير او مجهود ذهني وكتير مبسوطة انه بكتب من بعد انقطاع تلت سنين عن الكتابة ...اخر اشي بتمنى من الجميع انه يوخد كلامي ع محل الجد وحرفيا لو طبقتو كتير رح تصير حياتكم اسهل ورح تتغير افكاركم كونو دايما قد حالكم وابطال حالكم وشوفو حالكم بقوتكم وصبركم واسندو حالكم بحالكم مش مهم النتيجة المهم تفتخرو بحالكم 🤎✨
حنين الجعفري